الثلاثاء 29 مايو 2012
عشــــــــــــــــــــــــ
اخذتنى قدماى الى حى الحسين ...الوقت مساءا ونسمة صيف تعطر الاجواء التى يحتضنك فيها عبق وسحر رحاب الحسين ....المكان لا يهدأ ولا تصمت ضوضاءه المحببة ....اخترت مقهى على ناصية الطريق وجلست اشاهد التلفاز المعلق على الحائط تارة ......وتارة اخرى اجول ببصرى فيما امامى وحولى من المارة ..
طلبت كوبا من الشاى ....بجوارى يجلس شابان يلعبان الطاولة ....التلفاز يعلن قرار اللجنة العليا للانتخابات بشأن الاعادة بين شفيق ومرسى ...
هززت راسى وانقلبت شفتى السفلية واشحت ببصرى عن التلفاز ..اتابع لعب الطاولة ...
رمى الشاب بالزهرين وصاح جوهار دو ....امسك باحدى قطع الطاولة وضرب بها خشب الطاولة وهو يقول ....وادى احنا هانبدأ الجولة التانية ..
هاتنتخب مين ياحلو ..؟؟
تناول الشاب الثانى الزهرين وهز قبضته بهما ثم رماهما ليصطدما بحافة الطاولة فيصيح ....شيش بيش .....ولا واحد منهم ....
ضحك الاول وهو يلعب ...ليه بس يا صاحبى ...مش قلنا بلاش سلبية ..؟
رد الثانى ضاربا قطعة الطاولة على اخواتها ....انا لا عايز ده ولا عايز ده ...
ارتفع صوت لرجل يجلس بعيدا قليلا يبدو ان الحوار وصل الى سمعه ..
يعنى ايه يابنى ؟؟؟ماهو لازم ننتخب ...هنسيب البلد لمين ..؟؟ وليه ماتختارش مرسى ...؟؟ حد يكره المعاملة بالدين ؟؟ مش احسن من اللى هايرجعنا لخانة الصفر من تانى ...؟؟
التفت الشابان اليه وكذلك عدد من الجالسين ....تابعت الجميع مبتسما
فمن الواضح ان النقاش سيحتد ...
رد الشاب عليه رافعا صوته ....وانا اضمن منين كل حاجة اعملها بعد كده يحرمها عليا .....انت عارف ان مجرد لعب الطاولة دى هيبقى حرام ....
اكمل احد الجالسين وقد اعتدل بمقعده ليواجه الشابين .....آه وعلى رأيك لو خرجنا فى مظاهرة علشان حاجة مش عجبانا ...نلاقى اللى يقول لنا ده خروج على الحاكم وولى الامر ....
استطرد الشاب مكملا ....ومش بعيد يكفرونا ساعتها .....
الشاب الاول يرمى بزهرى الطاولة فيدوران معا كالنحلة الطنانة ....خلاص يبقى اختاروا شفيق ....واهو وعد انه يرجع الامن فى اربعة وعشرين ساعة ......
صاح رجل اخر بغضب .....ليه ان شاء الله ساحر ولا ساحر ....؟؟؟؟
رد الشاب ضاحكا ...لآ طبعا ...ده بس علشان اللى حضر العفريت هو اللى يعرف يصرفه ....
عقب اخر ....لآ مش صحيح الفريق شفيق راجل من الجيش وعارف فين تبقى المصلحة ....مش هايضحك عليه .....
صاح الرجل الغاضب ....وارواح اللى ماتوا ....وكل اللى اتصابوا وعميوا دول نقول لهم ايه ؟؟؟ نقول لهم كنتوا بتعملوا ثورة يحكى عنها العالم كله ..علشان نرجع نمحيها باختيارنا لنفس النظام اللى اسقطوه .....؟؟؟ دى تبقى سفالة وندالة مننا ....صاح رجل اخر يدخن الشيشة ....يبقى نخلى املنا فى الله ونختار مرسى علشان كل المخاوف اللى بيحاولوا يرعبونا بيها عنه ممكن مايكونش ليها اى اساس ....
صاح اخرون ...بس شفيق هاتبقى الدولة مدنية للكل ....رد اخرون بعنف ...هاتبقى دولة بوليسية مهببة على دماغ الكل ...ومش بعيد نلاقى جمال مبارك جايلنا بعده ........عقب الاخرون ...ده افترى من غير اساس
...صاح الغاضبون .....الاساس هو بداية التزوير الحديث اللى اتعمل ...من اضافة ملايين الاصوات ....وتفتيت الاصوات التانية ...قاطعهم البعض ...انتم طلبتم ديمقراطية ....وده يعنى احترام رأى الاغلبية .....اذا كانت الناس عايزة شفيق يبقى خلاص ....يجي شفيق ....
لا ياخويا انت وهو ....ده كلام اونطة ...علشان اللى جابوا شفيق دول احنا بنطعن فى اصواتهم ......
ارتفعت الاصوات واحتدت الردود ....بينما الشابان بجوارى كفا عن اللعب وهما يقولان ...دى كانت عشرة طاولة مهببة .....التفت احدهما الى وقال : وانت يا استاذ ...قاعد ساكت ليه ..؟؟هاتنتخب مين ؟؟؟
كان الصياح والاحتداد قد صار لغطا عاليا ...ابتسمت له وهممت بالرد عندما دخل المقهى احد الرجال حاملى البخور صرخ باعلى صوته وهو يحرك يده بسلسلة المبخرة فى دوائر واسعة ....وحدوا الله .......
اعقب صرخته باخرى وحدووووووووووه ......
صمت الجميع فى تتابع هامسين مرددين لا اله الا الله ....
جال الرجل فى وجوهنا صامتا ....تفحصته مليا بذقنه البيضاء وعمامته الغريبة وجلبابه المزين بالعقود والمسابح الكثيرة .....نطق بصوت عميق
....اتحققت واحدة .....والتانية فى ايديكم .....شكلكم هتحققوها ....وهتتفضل التالتة والاخيرة ......وربنا يستر منها .....
رمقه الجالسون بدهشة ......وقعت كلماته من نفسى موقعا غامضا ...
عاد الرجل يتفحص وجوهنا جميعا ثم نطق :
وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا ............الاولى الفسق والفساد .....ودا شفتوه واتحققتوا منه .......والتانية استحقاق القول من الله .......
سكت لحظات يهز راسه يمينا ويسارا ....ثم قال :
عارفين بيستحق القول من الله ازاى ......؟؟؟ وقبل ان ينطق احد تكلم هو
.....بيستحق لما نوافق على الفساد والفسق .....وده اللى انتم فيه دلوقت ........لو حصل منكم...يبقى انتظروا التالتة .....التااااااالتة ....
صرخ صرخة مدوية اقشعر منها جسدى وهو يصيح .....يااااااااااااارب ...خدنى قبل ما تحكم بيها .......يااااااارب ...ماشوفهاااااش ابدا فى بلدى .......طوح بيده بالمبخرة فى دائرة تجاهنا فانتشر دخان البخور علينا واستدار ليبتعد عنا وجميعنا واجم لا ينطق ...كأن على رؤوسنا الطير ...
..........................
عشــــــــــــــــــــــــ
اخذتنى قدماى الى حى الحسين ...الوقت مساءا ونسمة صيف تعطر الاجواء التى يحتضنك فيها عبق وسحر رحاب الحسين ....المكان لا يهدأ ولا تصمت ضوضاءه المحببة ....اخترت مقهى على ناصية الطريق وجلست اشاهد التلفاز المعلق على الحائط تارة ......وتارة اخرى اجول ببصرى فيما امامى وحولى من المارة ..
طلبت كوبا من الشاى ....بجوارى يجلس شابان يلعبان الطاولة ....التلفاز يعلن قرار اللجنة العليا للانتخابات بشأن الاعادة بين شفيق ومرسى ...
هززت راسى وانقلبت شفتى السفلية واشحت ببصرى عن التلفاز ..اتابع لعب الطاولة ...
رمى الشاب بالزهرين وصاح جوهار دو ....امسك باحدى قطع الطاولة وضرب بها خشب الطاولة وهو يقول ....وادى احنا هانبدأ الجولة التانية ..
هاتنتخب مين ياحلو ..؟؟
تناول الشاب الثانى الزهرين وهز قبضته بهما ثم رماهما ليصطدما بحافة الطاولة فيصيح ....شيش بيش .....ولا واحد منهم ....
ضحك الاول وهو يلعب ...ليه بس يا صاحبى ...مش قلنا بلاش سلبية ..؟
رد الثانى ضاربا قطعة الطاولة على اخواتها ....انا لا عايز ده ولا عايز ده ...
ارتفع صوت لرجل يجلس بعيدا قليلا يبدو ان الحوار وصل الى سمعه ..
يعنى ايه يابنى ؟؟؟ماهو لازم ننتخب ...هنسيب البلد لمين ..؟؟ وليه ماتختارش مرسى ...؟؟ حد يكره المعاملة بالدين ؟؟ مش احسن من اللى هايرجعنا لخانة الصفر من تانى ...؟؟
التفت الشابان اليه وكذلك عدد من الجالسين ....تابعت الجميع مبتسما
فمن الواضح ان النقاش سيحتد ...
رد الشاب عليه رافعا صوته ....وانا اضمن منين كل حاجة اعملها بعد كده يحرمها عليا .....انت عارف ان مجرد لعب الطاولة دى هيبقى حرام ....
اكمل احد الجالسين وقد اعتدل بمقعده ليواجه الشابين .....آه وعلى رأيك لو خرجنا فى مظاهرة علشان حاجة مش عجبانا ...نلاقى اللى يقول لنا ده خروج على الحاكم وولى الامر ....
استطرد الشاب مكملا ....ومش بعيد يكفرونا ساعتها .....
الشاب الاول يرمى بزهرى الطاولة فيدوران معا كالنحلة الطنانة ....خلاص يبقى اختاروا شفيق ....واهو وعد انه يرجع الامن فى اربعة وعشرين ساعة ......
صاح رجل اخر بغضب .....ليه ان شاء الله ساحر ولا ساحر ....؟؟؟؟
رد الشاب ضاحكا ...لآ طبعا ...ده بس علشان اللى حضر العفريت هو اللى يعرف يصرفه ....
عقب اخر ....لآ مش صحيح الفريق شفيق راجل من الجيش وعارف فين تبقى المصلحة ....مش هايضحك عليه .....
صاح الرجل الغاضب ....وارواح اللى ماتوا ....وكل اللى اتصابوا وعميوا دول نقول لهم ايه ؟؟؟ نقول لهم كنتوا بتعملوا ثورة يحكى عنها العالم كله ..علشان نرجع نمحيها باختيارنا لنفس النظام اللى اسقطوه .....؟؟؟ دى تبقى سفالة وندالة مننا ....صاح رجل اخر يدخن الشيشة ....يبقى نخلى املنا فى الله ونختار مرسى علشان كل المخاوف اللى بيحاولوا يرعبونا بيها عنه ممكن مايكونش ليها اى اساس ....
صاح اخرون ...بس شفيق هاتبقى الدولة مدنية للكل ....رد اخرون بعنف ...هاتبقى دولة بوليسية مهببة على دماغ الكل ...ومش بعيد نلاقى جمال مبارك جايلنا بعده ........عقب الاخرون ...ده افترى من غير اساس
...صاح الغاضبون .....الاساس هو بداية التزوير الحديث اللى اتعمل ...من اضافة ملايين الاصوات ....وتفتيت الاصوات التانية ...قاطعهم البعض ...انتم طلبتم ديمقراطية ....وده يعنى احترام رأى الاغلبية .....اذا كانت الناس عايزة شفيق يبقى خلاص ....يجي شفيق ....
لا ياخويا انت وهو ....ده كلام اونطة ...علشان اللى جابوا شفيق دول احنا بنطعن فى اصواتهم ......
ارتفعت الاصوات واحتدت الردود ....بينما الشابان بجوارى كفا عن اللعب وهما يقولان ...دى كانت عشرة طاولة مهببة .....التفت احدهما الى وقال : وانت يا استاذ ...قاعد ساكت ليه ..؟؟هاتنتخب مين ؟؟؟
كان الصياح والاحتداد قد صار لغطا عاليا ...ابتسمت له وهممت بالرد عندما دخل المقهى احد الرجال حاملى البخور صرخ باعلى صوته وهو يحرك يده بسلسلة المبخرة فى دوائر واسعة ....وحدوا الله .......
اعقب صرخته باخرى وحدووووووووووه ......
صمت الجميع فى تتابع هامسين مرددين لا اله الا الله ....
جال الرجل فى وجوهنا صامتا ....تفحصته مليا بذقنه البيضاء وعمامته الغريبة وجلبابه المزين بالعقود والمسابح الكثيرة .....نطق بصوت عميق
....اتحققت واحدة .....والتانية فى ايديكم .....شكلكم هتحققوها ....وهتتفضل التالتة والاخيرة ......وربنا يستر منها .....
رمقه الجالسون بدهشة ......وقعت كلماته من نفسى موقعا غامضا ...
عاد الرجل يتفحص وجوهنا جميعا ثم نطق :
وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا ............الاولى الفسق والفساد .....ودا شفتوه واتحققتوا منه .......والتانية استحقاق القول من الله .......
سكت لحظات يهز راسه يمينا ويسارا ....ثم قال :
عارفين بيستحق القول من الله ازاى ......؟؟؟ وقبل ان ينطق احد تكلم هو
.....بيستحق لما نوافق على الفساد والفسق .....وده اللى انتم فيه دلوقت ........لو حصل منكم...يبقى انتظروا التالتة .....التااااااالتة ....
صرخ صرخة مدوية اقشعر منها جسدى وهو يصيح .....يااااااااااااارب ...خدنى قبل ما تحكم بيها .......يااااااارب ...ماشوفهاااااش ابدا فى بلدى .......طوح بيده بالمبخرة فى دائرة تجاهنا فانتشر دخان البخور علينا واستدار ليبتعد عنا وجميعنا واجم لا ينطق ...كأن على رؤوسنا الطير ...
..........................
ليست هناك تعليقات:
إرسال تعليق