.......................................صورة أبيض واسود !!
حمل كاميرته العتيقة وحقيبة صغيرة معلقة على كتفه والحامل الخشبى للكاميرا الذى اتخذ منه عكازا له وسار بخطواته البطيئة يتجول فى حديقة الازهر التى يتخذها مكانا للعمل ...
صورة زمان يابيه ...بالابيض والاسود ياهانم ...شوف نفسك يابن النهاردة بشكل امبااااااارح ...
هذا هو عم فرحات المصور العجوز الذى تجاوز الستين من عمره ...وجهه تبدو قسماته كخريطة مقروءة ومرسوم
حمل كاميرته العتيقة وحقيبة صغيرة معلقة على كتفه والحامل الخشبى للكاميرا الذى اتخذ منه عكازا له وسار بخطواته البطيئة يتجول فى حديقة الازهر التى يتخذها مكانا للعمل ...
صورة زمان يابيه ...بالابيض والاسود ياهانم ...شوف نفسك يابن النهاردة بشكل امبااااااارح ...
هذا هو عم فرحات المصور العجوز الذى تجاوز الستين من عمره ...وجهه تبدو قسماته كخريطة مقروءة ومرسوم
ة حفرها الزمن لتاريخ مصر واحداثها ...عيناه غائرتان ولا تفارق وجهه ابتسامة شاحبة ...
لم يغادر هذه الحديقة منذ انشئت الا وقت اندلاع احداث الثورة ...كان وسط جموع المتظاهرين فى ميدان التحرير ...رغم المشقة كان يلتقط مئات الصور كيفما اتفق له وكم واجه من سخرية ممن شاهده يفعل ذلك بتلك الكاميرا العتيقة ...
ورغم ذلك يمكن القول انه حصل على صور يعدها من افضل ماصور فى حياته ..
ألزمه المرض الشقة الصغيرة التى يقيم فيها مع زوجته العجوز شهورا طويلة ...
اليوم قرر ان يخرج الى متنفسه ...جاء الى حديقته الشاسعة يطوف على روادها ..
هاهما رجلان يتحدثان ...
-- عارف المشكلة فى ايه ؟؟؟ ..المشكلة ان الحرب على الابواب والكل حاطط راسه فى الرمل ...سينا بتغرق مننا فى بحر الانفصال والتقسيم واسرائيل على الحدود واحنا ولا احنا هنا ...
-ـ- بس الجيش متقيد باتفاقية مكتفاه ...ورغم كده اكيد مستعد لمواجهة اى تدخل ..
-- ياسيدى الموضوع مش بس استعداد عسكرى وده نفسه مانقدرش نحكم عليه
الموضوع انك علشان تواجه تدخل عسكرى يلزمك مش بس استعداد عسكرى ..لآ وكمان استعداد داخلى من الوقود والتموين والقمح ويكون بيتك مترتب من الداخل ..واحنا حالنا مكشوف للكل وعلى عينك ياتاجر ...
صورة يا استاذ ...حاجة تفكرك بزمان ..
نظر اليه الرجلان مليا وابتسم احدهما ...وماله ياعم صورنا صورة ...
اخذ عم فرحات يعد الصورة لدقيقة ...ابتسم من فضلك ....شكرا ...
باذن الله هاكون هنا بكرة ومعايا الصور ....اشوفكم على خير ....
قال ذلك وابتعد يبحث بين الزوار فى الحديقة ..
ثلاثة رجال يجلسون يتبادلون الحديث ..
-- ولما تخلص مسودة الدستور الكل لازم ينضم للمظاهرات علشان نسقطها ...
-- احنا مش هانسمح لدستور يمس سلطاتنا ابدا ...هما فاكرين ايه ...لازم يعرفوا مين صاحب السلطة الحقيقية فى البلد دلوقتى ...
-- المهم ان احنا نظل متكاتفين لمواجهة المجموعة المنشقة عنا ...
-- دول مامنهمش اى خوف ...طالما هانقدر نحشد الجموع الشعبية ونضخم ليهم المساوىء يبقة المظاهرات هاتنجح ....
صورة يابيه بالمية ...ابيض واسود ..
قال عم فرحات بصوته الواهن ...رمقه الثلاثة بتأفف وقال اثنان منهم ...لآ مش عايزين ...شكرهم الرجل واستدار واذا به يعد الصورة مصمما على التقاطها لهم لنفسه هو ...
...من جديد يتجول الرجل ....اقترب من رجلين ملتحيين معهما امرأتين منتقبتين ....
-- البلد دى مش هاتشوف الخير ابدا طول ماهى بعيدة عن تطبيق شريعة الله ...
-- ايوه يا أخى الكل بقى فى ضلال ...العرى فى المسلسلات والاغانى والخلاعة وصلت للشوارع والزنا علنى ...
-- طول ما سايبين النصارى صوتهم يعلى فى البلد يبقى مش هايشوفوا اى خير..
-- والاصنام اللى فى كل ميدان ويقولولك دى تماثيل الزعماء ...حاجة كفر وشرك ...مش كفاية معابد الاوثان الفرعونية والاجانب الكفرة وعريهم اللى بيبتلونا بيهم ويقولوا سياحة وعملة صعبة ...
-- كل ما نبت من حرام فالنار اولى به ...ماهو علشان كده مافيش بركة والعياذ بالله ......لم يستطع عم فرحات الاقتراب منهم بل اعد من بعيد كاميرته والتقط صورة لهم ....
مجموعة مختلطة من الزوار ....اقترب الرجل منهم ...
-- وهو احنا اقل من غيرنا ...الاضراب لازم يتم فى ميعاده ...الحكومة مابتجيش غير بالضغط ...
-- ايوة معاك حق ..كل اللى عملوا اضراب استجابوا لمطالبهم ....وبكرة نوريهم اهميتنا واللى ماطلناهوش بالذوق نطوله بلوى الدراع ...وعليا وعلى اعدائى بقى ..
اكتفى عم فرحات بتصويرهم من بعيد ثم ابتعد الى جهة اخرى ....
رجل يطالع جريدة ويتحدث الى اخر بانفعال غاضب ..
-- حاجة تسم البدن ....هما الناس دى هايعملوا فينا ايه تانى ....الله يخرب بيوتهم..
-- حصل ايه ..؟؟ ايه مكتوب عندك ؟؟
-- زفت بعيد عنك ...خمسميت طن من سماد مسرطن دخل البلد ...!!!! قولى بقى ...احنا ناقصين امراض وبلاوى سودة ...
-- يانهار منيل ...!! وازاى سمحوا بدخول الكارثة دى ؟؟؟
-- ياعم وهو حد فايق فيهم ...ياكش تولع ...كل حاجة باظت ...من امن لعيش وعيشة ومرار طافح علينا ....
ذهل عم فرحات لم يقوى على الحديث اليهما ...وقف غير بعيد وجهز كاميرته والتقط الصورة صامتا ثم ابتعد ...
وهاهما رجل وامرأته يجلسان ارضا ....
-- الديون كترت علينا اوى يابو سالم ...
-- طب وانا فى ايدى ايه يا روحية ماعملتوش ....ماهو على يدك كل حاجة ...اللى بيجى من الوظيفة على شغل بعد العصر مش مكفى البيت اكل ....اربع عيال فى مدارس وبنت كبيرة على وش جواز ومحتاجة تتجهز ....ايه اللى ناقص اعمله ...
-- هم مش قالوا الثورة هاتزود دخل الغلابة ...وهايرجعوا المليارات اللى سرقوها المجرمين من دم الشعب ...آمال فين الحاجات دى ياخويا ؟؟؟
ثورة ايه ياروحية ...؟؟ واضح كده انك يابو زيد ماغزيت ...ونقطة ونرجع لاول السطر من تانى ....انت عارفة البنت بنت سمير غانم بتاعة اعلانات رمضان ..؟؟
-- مالها يابو سالم ..؟؟
-- انا قريت انها واخدة ستة مليون جنيه فى الاعلانات دى ...
ضربت المرأة بكفها على صدرها وهى تشهق قائلة ...يانهار اسود ...ستة مليون جنية علشان تغنى وتترقص شوية ....؟؟؟ دول يأكلوا كام عيلة فى كام سنة دول ..؟؟
-- يا ستى وهى جت عليها لوحدها ....غيرها بيغنى فى حفلة بيطلب كذا مليون ..عادل امام فى تمثيلية رمضان سمعت انه واخد هو وعياله اكتر من عشرين مليون ...وغيره وغيره ...
-- والنبى كفاية ياخويا ...احسن الحسرة هاتعصر قلبى ....هو احنا امتى هنحس ان البلد دى لينا فيها حاجة ...؟؟
صورة من صور زمان ياهانم ...
نظرت شذرا لعم فرحات وصاحت ...الله يسهلك ياعم ..روح على الله ..
-- ياروحية ...حرام عليك الراجل مابيشحتش منا ...ده غلبان على باب الله زينا بلاش كسر الخواطر ....ماشى ياعم صورنا صورة ....هاتطلع امتى ..؟؟
....ومن جديد يتنقل عم فرحات بين رواد الحديقة يلتقط الصور لهم واحيانا يلتقط صورا للحديقة ومابها من جمال ...صور العديد من الشباب والشبات الذين يلهون
ويرقصون متحدثين بكلمات فجة فى لغتهم وخارجة عن حد الاداب العامة متناسين انهم فى مكان عام له قواعده .... وكم سخروا منه ومن تصويره الذى عفى عليه الزمن .....وانتهت جولة عم فرحات ليعود الى شقته ...
كان ليلا فى الحجرة الصغيرة التى خصصها للتحميض يقوم بعمله المعتاد وقد اوشك على الانتهاء ...
هاهى الصور بدأت تظهر ...
ياليلة سودة !!!!! .....ايه ده ..؟؟؟؟ ....الصور كلها بايظة والا ايه ..؟؟؟؟
صرخ وارتفع صوته من فرط الدهشة والمفاجأة ......... سمعته زوجته فأتت اليه مسرعة .....خير ياسى فرحات ...خير ان شاء الله ايه اللى حصل كفى الله الشر ..
-- كل الصور بتاعة النهاردة طالعة اسود واسود !!!!
-- ياخبر !!!! اتحرقت منك ؟؟؟
-- مش محروقة والله ...سليمة اهه... بس مضلمة ...معتمة ....منيلة بنيلة زى هباب الحلة ...
مش بس الناس اللى فيها ...دا حتى المكان والشجر والدنيا كلها ...اسود فى اسود ......يادى السواااااااااااااد يا ولااااااد...!!!!!
..........................
لم يغادر هذه الحديقة منذ انشئت الا وقت اندلاع احداث الثورة ...كان وسط جموع المتظاهرين فى ميدان التحرير ...رغم المشقة كان يلتقط مئات الصور كيفما اتفق له وكم واجه من سخرية ممن شاهده يفعل ذلك بتلك الكاميرا العتيقة ...
ورغم ذلك يمكن القول انه حصل على صور يعدها من افضل ماصور فى حياته ..
ألزمه المرض الشقة الصغيرة التى يقيم فيها مع زوجته العجوز شهورا طويلة ...
اليوم قرر ان يخرج الى متنفسه ...جاء الى حديقته الشاسعة يطوف على روادها ..
هاهما رجلان يتحدثان ...
-- عارف المشكلة فى ايه ؟؟؟ ..المشكلة ان الحرب على الابواب والكل حاطط راسه فى الرمل ...سينا بتغرق مننا فى بحر الانفصال والتقسيم واسرائيل على الحدود واحنا ولا احنا هنا ...
-ـ- بس الجيش متقيد باتفاقية مكتفاه ...ورغم كده اكيد مستعد لمواجهة اى تدخل ..
-- ياسيدى الموضوع مش بس استعداد عسكرى وده نفسه مانقدرش نحكم عليه
الموضوع انك علشان تواجه تدخل عسكرى يلزمك مش بس استعداد عسكرى ..لآ وكمان استعداد داخلى من الوقود والتموين والقمح ويكون بيتك مترتب من الداخل ..واحنا حالنا مكشوف للكل وعلى عينك ياتاجر ...
صورة يا استاذ ...حاجة تفكرك بزمان ..
نظر اليه الرجلان مليا وابتسم احدهما ...وماله ياعم صورنا صورة ...
اخذ عم فرحات يعد الصورة لدقيقة ...ابتسم من فضلك ....شكرا ...
باذن الله هاكون هنا بكرة ومعايا الصور ....اشوفكم على خير ....
قال ذلك وابتعد يبحث بين الزوار فى الحديقة ..
ثلاثة رجال يجلسون يتبادلون الحديث ..
-- ولما تخلص مسودة الدستور الكل لازم ينضم للمظاهرات علشان نسقطها ...
-- احنا مش هانسمح لدستور يمس سلطاتنا ابدا ...هما فاكرين ايه ...لازم يعرفوا مين صاحب السلطة الحقيقية فى البلد دلوقتى ...
-- المهم ان احنا نظل متكاتفين لمواجهة المجموعة المنشقة عنا ...
-- دول مامنهمش اى خوف ...طالما هانقدر نحشد الجموع الشعبية ونضخم ليهم المساوىء يبقة المظاهرات هاتنجح ....
صورة يابيه بالمية ...ابيض واسود ..
قال عم فرحات بصوته الواهن ...رمقه الثلاثة بتأفف وقال اثنان منهم ...لآ مش عايزين ...شكرهم الرجل واستدار واذا به يعد الصورة مصمما على التقاطها لهم لنفسه هو ...
...من جديد يتجول الرجل ....اقترب من رجلين ملتحيين معهما امرأتين منتقبتين ....
-- البلد دى مش هاتشوف الخير ابدا طول ماهى بعيدة عن تطبيق شريعة الله ...
-- ايوه يا أخى الكل بقى فى ضلال ...العرى فى المسلسلات والاغانى والخلاعة وصلت للشوارع والزنا علنى ...
-- طول ما سايبين النصارى صوتهم يعلى فى البلد يبقى مش هايشوفوا اى خير..
-- والاصنام اللى فى كل ميدان ويقولولك دى تماثيل الزعماء ...حاجة كفر وشرك ...مش كفاية معابد الاوثان الفرعونية والاجانب الكفرة وعريهم اللى بيبتلونا بيهم ويقولوا سياحة وعملة صعبة ...
-- كل ما نبت من حرام فالنار اولى به ...ماهو علشان كده مافيش بركة والعياذ بالله ......لم يستطع عم فرحات الاقتراب منهم بل اعد من بعيد كاميرته والتقط صورة لهم ....
مجموعة مختلطة من الزوار ....اقترب الرجل منهم ...
-- وهو احنا اقل من غيرنا ...الاضراب لازم يتم فى ميعاده ...الحكومة مابتجيش غير بالضغط ...
-- ايوة معاك حق ..كل اللى عملوا اضراب استجابوا لمطالبهم ....وبكرة نوريهم اهميتنا واللى ماطلناهوش بالذوق نطوله بلوى الدراع ...وعليا وعلى اعدائى بقى ..
اكتفى عم فرحات بتصويرهم من بعيد ثم ابتعد الى جهة اخرى ....
رجل يطالع جريدة ويتحدث الى اخر بانفعال غاضب ..
-- حاجة تسم البدن ....هما الناس دى هايعملوا فينا ايه تانى ....الله يخرب بيوتهم..
-- حصل ايه ..؟؟ ايه مكتوب عندك ؟؟
-- زفت بعيد عنك ...خمسميت طن من سماد مسرطن دخل البلد ...!!!! قولى بقى ...احنا ناقصين امراض وبلاوى سودة ...
-- يانهار منيل ...!! وازاى سمحوا بدخول الكارثة دى ؟؟؟
-- ياعم وهو حد فايق فيهم ...ياكش تولع ...كل حاجة باظت ...من امن لعيش وعيشة ومرار طافح علينا ....
ذهل عم فرحات لم يقوى على الحديث اليهما ...وقف غير بعيد وجهز كاميرته والتقط الصورة صامتا ثم ابتعد ...
وهاهما رجل وامرأته يجلسان ارضا ....
-- الديون كترت علينا اوى يابو سالم ...
-- طب وانا فى ايدى ايه يا روحية ماعملتوش ....ماهو على يدك كل حاجة ...اللى بيجى من الوظيفة على شغل بعد العصر مش مكفى البيت اكل ....اربع عيال فى مدارس وبنت كبيرة على وش جواز ومحتاجة تتجهز ....ايه اللى ناقص اعمله ...
-- هم مش قالوا الثورة هاتزود دخل الغلابة ...وهايرجعوا المليارات اللى سرقوها المجرمين من دم الشعب ...آمال فين الحاجات دى ياخويا ؟؟؟
ثورة ايه ياروحية ...؟؟ واضح كده انك يابو زيد ماغزيت ...ونقطة ونرجع لاول السطر من تانى ....انت عارفة البنت بنت سمير غانم بتاعة اعلانات رمضان ..؟؟
-- مالها يابو سالم ..؟؟
-- انا قريت انها واخدة ستة مليون جنيه فى الاعلانات دى ...
ضربت المرأة بكفها على صدرها وهى تشهق قائلة ...يانهار اسود ...ستة مليون جنية علشان تغنى وتترقص شوية ....؟؟؟ دول يأكلوا كام عيلة فى كام سنة دول ..؟؟
-- يا ستى وهى جت عليها لوحدها ....غيرها بيغنى فى حفلة بيطلب كذا مليون ..عادل امام فى تمثيلية رمضان سمعت انه واخد هو وعياله اكتر من عشرين مليون ...وغيره وغيره ...
-- والنبى كفاية ياخويا ...احسن الحسرة هاتعصر قلبى ....هو احنا امتى هنحس ان البلد دى لينا فيها حاجة ...؟؟
صورة من صور زمان ياهانم ...
نظرت شذرا لعم فرحات وصاحت ...الله يسهلك ياعم ..روح على الله ..
-- ياروحية ...حرام عليك الراجل مابيشحتش منا ...ده غلبان على باب الله زينا بلاش كسر الخواطر ....ماشى ياعم صورنا صورة ....هاتطلع امتى ..؟؟
....ومن جديد يتنقل عم فرحات بين رواد الحديقة يلتقط الصور لهم واحيانا يلتقط صورا للحديقة ومابها من جمال ...صور العديد من الشباب والشبات الذين يلهون
ويرقصون متحدثين بكلمات فجة فى لغتهم وخارجة عن حد الاداب العامة متناسين انهم فى مكان عام له قواعده .... وكم سخروا منه ومن تصويره الذى عفى عليه الزمن .....وانتهت جولة عم فرحات ليعود الى شقته ...
كان ليلا فى الحجرة الصغيرة التى خصصها للتحميض يقوم بعمله المعتاد وقد اوشك على الانتهاء ...
هاهى الصور بدأت تظهر ...
ياليلة سودة !!!!! .....ايه ده ..؟؟؟؟ ....الصور كلها بايظة والا ايه ..؟؟؟؟
صرخ وارتفع صوته من فرط الدهشة والمفاجأة ......... سمعته زوجته فأتت اليه مسرعة .....خير ياسى فرحات ...خير ان شاء الله ايه اللى حصل كفى الله الشر ..
-- كل الصور بتاعة النهاردة طالعة اسود واسود !!!!
-- ياخبر !!!! اتحرقت منك ؟؟؟
-- مش محروقة والله ...سليمة اهه... بس مضلمة ...معتمة ....منيلة بنيلة زى هباب الحلة ...
مش بس الناس اللى فيها ...دا حتى المكان والشجر والدنيا كلها ...اسود فى اسود ......يادى السواااااااااااااد يا ولااااااد...!!!!!
..........................
ليست هناك تعليقات:
إرسال تعليق